《中年好聲音》的涂家堯開騷。
《中年好聲音》參賽者涂家堯未有跟無綫續約，決定以獨立歌手身份出道。雖然亮相無綫機會的減少，但仍無阻他的發展及人氣。踏入農曆年，他與伍仲衡、周圍豐一齊擔任鄭丹瑞網上節目《健康旦》的嘉賓，一齊jam歌，並在剛過去的一星期，他到東港城夥拍柳冕、區俊傑一齊獻唱，並應唐福村之邀任新春盆菜宴表演嘉賓。
近日，他更宣布在3月9日舉行《涂家堯My Journey小型音樂會》， 根據資料顯示，家堯將於中華基督教公理堂舉辦音樂會，門票分為$680及$480。他表示最近都是忙於籌備音樂會，他說︰「雖然地方細啲，但係做嘅嘢同中大型音樂會都差唔多，始終今次都係第一次有屬於自己嘅音樂會，希望可以之後去更大嘅場地舉行。」
早前他上載錄音照片，他透露今年會有4首歌曲推出，現時已完成了一首，「另外仲有三首準備緊，因為要做歌手都係要有屬於自己嘅作品，今年計劃係4首，都係好開心嘅。」
適逢下月是他的生日，家堯表示希望大家身體健康，因為發現最近多了人生病。問到有沒有其他生日願望，他說︰「我想喺下次生日之前，可以將《涂家堯My Journey音樂會》搬去更大地方做，因為今次個場地真係比較細，容納唔係好多人，希望可以喺大啲嘅場地舉行啦！」