《中年好聲音》剛完賽，曾志偉馬上宣布招募《中年好聲音4》參賽者。(吳康琦攝)
《中年好聲音3登峯之戰》昨晚已圓滿結束，賽果已塵埃落定，由黃博、張與辰和劉洋分奪冠亞季軍，曾志偉相當滿意賽果，看到現場反應和觀眾掌聲，感受到觀眾的真心反應，反映大家對參賽者表現相當滿意，而他看到每位參賽者施展渾身解數，亦覺滿有驚喜。
讓更多現場觀眾參與
TVB首次在啟德體藝館舉行，志偉表示特地聘用曾在國內籌辧奧運和全運會開幕儀式的製作團隊，「通常呎個場館用3百多盞燈，但我哋用788支，(成本大好多？)當然，但好開心，咁多觀眾能入場睇咁好嘅show，同埋可幫啟德做場好戲，可以實地錄影。」問到可會再在啟德開騷時，志偉就表示，「今次嘅成功，令我哋考慮多啲俾現場觀眾參與，氣氛好好，連台上表演的歌手都興奮，以為喺TVB一廠二廠唱，冇諗過啟德對住成萬位觀眾，可以話係夢想成真。」
《中4》招募全球參賽者
今日文化體育及旅遊局局長羅淑佩亦有行紅地毯，問到局長有何意見時，志偉雀躍表示，「佢原本要睇5月天，但都留到尾，仲幫我哋頒獎，真係多謝佢。」談到立即宣布招募《中年好聲音4》參賽者，他表示不想讓《中3》熱潮冷卻，「其實呢個對TVB來講都係考驗，未試過做一個選透騷，咁長時間，做足一年，俾所有人都認識廿幾位選手，然後每個禮拜逐一淘汰，最後7強對佢哋嚟講，唔止熟悉，甚至有感情。」他透露已跟7強參賽者簽約，常任評判人選改變不大。
《中年好聲音4》招募全球參賽者，資格仍維持要35歲或以上，志偉見證每屆參賽者從只有參賽號碼到為人所熟悉，怹續說，「當初搞中年好聲音，就是想幫中年人圓夢每選時大部分都話，每一年海選要大家講點解參加，大部份都話年輕時已想上台，但要工作生活，要養家、工作、供樓，到生活穩定，喺時候圓夢，未必一定攞冠軍，就算喺TVB海選唱首歌，都算對自己有交代。」故此他希望續辧，讓更多中年人圓夢。
amjetso 20周年大激賞│請你嘆香港迪士尼樂園酒店及迪士尼探索家度假酒店餐飲美饌
