曾志偉今日（9日）現身沙田馬場出席活動。（娛樂組攝）
曾志偉今日（9日）現身沙田馬場出席活動，他接受訪問表示從小就喜歡投注賽馬，被問到會否跟好友陳百祥討論賽馬，他說：「我實唔夠佢叻㗎喎！佢買齊晒咁多隻馬。」
曾志偉說歷年來有許多歌手開演唱會，也希望與TVB合作做一個特輯增加曝光率。（娛樂組攝）
稱TVB係一個輔助器
提到陳百祥（叻哥）較早前發表一則言論指「冇人要靠TVB」，他表示：「其實冇人需要靠TVB，人要靠自己，不過TVB係一個輔助器，如果大家都想喺呢度有曝光率，或者有幫助，咁就一齊合作囉！」他續說歷年來有許多歌手開演唱會，也希望與TVB合作做一個特輯增加曝光率。
曾志偉與高海寧同場出活動。（娛樂組攝）
澄清為炒余詠珊重返TVB
至於有否因此事與叻哥溝通，他說：「我哋成日都話佢係演藝界嘅特朗普，語不驚人誓不休，佢鍾意一定乜都要第一，要講啲乜嘢最令到人哋關心呢當然就係講TVB，講TVB好嘅就冇人聽，就只可以講唔好嘅。我知道佢性格，所以見怪不怪。」講到叻哥指曾志偉為炒余詠珊重返TVB，他澄清：「其實我入咗TVB之後，有好多人離職，所以冇可能。」至於有傳本月底將會離開TVB，他說：「咁快？台慶再講啦！」
請唔起張栢芝拍攝TVB劇集
被問到日前劉嘉玲和張栢芝拍攝內地節目《一路繁花2》於TVB取景拍攝，他說：「其實內地節目都傾向港風，大家都好懷念我哋以前香港嘅流行曲，演唱會最賣得嘅都係張學友同埋劉德華，即係證明大家對於我哋香港嘅劇集文化同埋電影，都係好懷念。」提到會否考慮邀請張栢芝和劉嘉玲拍攝TVB劇集，他笑言：「睇佢哋興趣啦！如果要請佢哋就請唔起㗎啦！」
ADVERTISEMENT
