五索現身山頂警署報案。
網紅「五索」鍾睿心(Rachel) 自爆出與大生銀行主席馬清鏗的婚外情後，火速爆紅，一舉一動都備受關注，最近她除力sell 代理的骨膠原粉及代餐外，更成立「五索鍾粉會」吸納粉絲，不過就有不法騙徒假冒五索身份乘機呃錢。
向來視錢如無物的五索，竟然表示$3000唔係一個細數目。
剛從歐洲回港的五索，昨日就嬲爆拍片譴責這些不法騙徒，見她現身山頂警署，並表示：「估唔到歐洲返嚟第一件事係報案，呢個社會係充斥住好多騙案，最近有好多人冒認我身份，叫我嘅粉絲私人過數，聲稱會俾啲骨膠原粉同代餐佢哋，但最後一過完數就消失咗，我係極之憤怒！」
五索心痛粉絲被呃去血汗錢。
五索續指她與團隊用了很多心機成立這間公司，並心痛粉絲指他們全部都好無辜，其中一個粉絲更被騙去$3000，向來視錢如無物的五索卻竟然表示：「$3000唔係一個細數目，呢啲騙徒係好賤格，咁樣去欺騙人哋咁用心賺返嚟嘅錢，平時我都係玩玩吓好少咁認真，但今次我絕對係100%認真去正視呢件事。」最後，她鄭重呼籲：「我係一定唔會inbox你哋，叫你哋進行任何嘅過數，大家share條片出去，唔想你哋因為鍾意我，俾人呃錢。」
立即更新/下載AM730手機APP 體驗升級功能
