林作自言打慣逆境波，對於JPEX案的擔心非自己控制之內。 (周令知攝)
林作今日（22日）召開記者會，交代裕美與網紅「五索」鍾睿心的決裂真相及來龍去脈，主角之一的裕美未有現身。
反目與JPEX案無關
林作捲入JPEX案未幾後，再爆出五索跟裕美反目，問到他是否跟JPEX案有關，他認為無關係：「我係唔接受話反面呢個講法。」談到JPEX案，他稱法律團隊有跟他溝通，自己對事件的看法跟兩年前的回應一樣，沒有特別補充。他說：「林作就係一個打逆境波嘅人，會面對逆境成長，有句英文好啱用，Obstacle Is the Way，What stands in the way becomes the way，係好啱我嘅情況。我會同兩年前一樣積極面對，我唔係一個好會擔心嘅人，擔心係擔心源自於自己控制唔到嘅嘢，但我有智慧分得清，我會努力面對。」他又大讚裕美是好女友。
林作今日中午舉行記者會，裕美未有現身。 (周令知攝)
裕美被拍醜態堅嬲
談到裕美陪他上法庭，但被拍下醜態，他坦言裕美的確很生氣：「哈哈哈哈！我唔劇透，因為美美呢一張相，多咗至少一個廣告相嘅工作，相信近期都會出現嘅，就係因為廣告商對於佢門口呢一張相感到有印象！有時你見到嘅危機，可以轉化成為機遇！」問到裕美是否為照片非常生氣，林作：「嬲，因為我平時影開一張冇咁靚嘅相，佢已經嬲到爆，何況鋪天蓋地佢有幾大反應！我記得佢出咗個post去譴責攝記，都係一個好有趣嘅情況！」
