2025-07-06 19:30:00

今晚有歌廳︱蘇永康顏值被喪窒健仔爆小春介紹認女fans

BIG FOUR 4子—張衛健(Dicky)、許志安、梁漢文及蘇永康等，今晚10時亮相周國豐、支嚳儀、黃劍文、顏米羔主持的新節目《今晚有歌廳》，在《中年好聲音》系列中出名牙尖齒嘴利的周國豐，在節目中繼續保持個人特色，為節目做足功課的他，事前用心翻煲四子參加《新秀》時的片段，並不斷提出尖銳問題為難4子，當中針對蘇永康的「你嗰時冇戴眼鏡喎」，及針對安仔的「你唱唱吓歌(慢歌《霧之戀》)突然跳舞係咩事呢？」成功將現場氣氛炒熱。

蘇永康又揭出當年因為梅艷芳(梅姐)一句話化身「戴眼鏡」icon：「係梅姐叫我戴眼鏡嘅，你知我嗰時成日跟梅姐出去玩嘅，佢好多眼鏡架嘛，嗰時我有個puppy love女友，咁我戴咗佢副眼鏡去，跟住梅姐就話：『你戴眼鏡好似好樣啲』。」搞笑的是，當蘇永康一本正經想當年時，張衛健忽然佻皮插嘴：「叫你戴頭盔你又唔戴？！」蘇永康聽畢即忍不住拍打Dicky「洩憤」，盡顯BIG FOUR鬥嘴日常。

另外四子還分享了與fans的特別/難忘故事，當中張衛健驚揭當年有位忠實女歌迷，二人一度相約在美國見面，感情要好；事隔多年後，張衛健透過陳小春發現當年該名女fans，竟是其太太應采兒，相當驚爆！想知道更多BIG FOUR跟fans的小故事，以及四子參加《新秀》時的精華回顧及有趣花絮，記住密切留意第一集《今晚有歌廳》。