許光漢特地從台灣來港，為《他年她日》亞洲記者會揭幕。
由張艾嘉監製編劇、龔兆平執導，許光漢、袁澧林等主演的奇幻愛情電影《他年她日》，昨日（29日）於昂坪360市集舉行宣傳活動，許光漢退伍後首次亮相公開活動，特地從台灣來港出席，大批「許太」烈日下到來支持，擠滿整個市集場面墟冚！
許光漢一口答應
張艾嘉(張姐)、龔兆平和製作及美術總監文念中於活動後受訪，被問到為何選許光漢和袁澧林擔任男女主角時，龔兆平直言，「我本身都好喜歡兩位，俊男美女、又係好好嘅演員，知道會搵台灣嘅演員合作嘅時候，就大膽向張姐提出搵光漢幫手。」張艾嘉指許光漢一口答應：「許光漢好少機會嚟香港拍戲，我哋花咗一年時間寫好劇本，佢睇完劇本之後真係一口答應！」導演首部劇情片便與許光漢合作，直言對方非常專業：「有幾日其實光漢帶病上陣，但因為時間、場景檔期問題，我哋本身想佢休息幾日，但光漢之道冇辦法之後，主動話冇問題，我哋就繼續拍落去，過程都辛苦佢！」
張艾嘉拒絕參演
導演自爆曾想過找張艾嘉演周醫生(陳輝虹 飾)，但遭張姐拒絕，張姐隨即笑言：「係一口拒絕！」她解釋《他年她日》不是普通文藝，是奇幻愛情片，整部電影於香港取景，走遍山旮旯的秘景拍攝，所有場景都是由零開始，「我哋真係上山下海、飛天遁地，天氣又唔穩定、有時好熱！」文念中是次作為製作及美術總監，坦言劇組走遍許多場景：「我哋今次好多場景都係港產片好少拍過，有啲係直情未拍過，所以我估觀眾睇完都相當新鮮！就好似薯仔（許光漢 飾）屋企，係一個山頂嚟，我哋工作人員嘅車要經過懸崖峭壁先上到去！」導演和文念中指張姐非常體貼，無論炎夏或惡劣天氣都親臨現場，留守到最後，更親下廚煮許多美食替演們加油，張姐自自己作為演員出身，知道過程艱辛，故希望能全面照顧。
張艾嘉獲獎 喜見女電影人受重視
張艾嘉將於今年釜山電影節獲頒表揚女性影人的「山茶花獎」，張姐回應得獎時坦言：「我一路同導演講我哋拍電影唔係為咗參展，係為咗觀眾去拍、希望同觀眾分享，已經好開心。點知有呢個獎畀我，我更加覺得好榮幸！佢哋對女性嘅重視越來越重，不論係女導演、女編劇同工作人員都越來越多，所以都會親身去攞獎！」希望能將監製新作《他年她日》帶給韓國觀眾。談到袁澧林的新髮型模仿自張艾嘉，張姐笑言：「我其實唔知，我不嬲都係短頭髮，尋日光漢問我覺得Angela有咩唔同，我睇嚟睇去都覺得冇乜嘢，可能我睇到佢好似睇到我自己咁啦！」
