伍允龍與李蔓瑩各自在社交平台大曬對方視角。
林峯演唱會令伍允龍及李蔓瑩(Renee)的戀情曝光，林峯個唱在28日結束，事隔2日之後，伍允龍在IG貼出當日睇騷的照片及影片，該影片拍下伍允龍睇騷的樣子，他更一度對鏡頭微笑，從角度計算是出自女友李蔓瑩(Renee)之手。
未幾Renee亦在社交平台上載當日照片及影片，片段見到Renee與女友人笑得非常開心，而角度則來自男友伍允龍。林峯在完騷當日被問到知不知伍允龍拍拖，他說︰「知佢拍拖嘅，不過第一次見。」
伍允龍被本報拍下跟Renee一齊睇林峯，事後他大方承認二人拍拖。他更向傳媒公開合照，並謂︰「好多謝大家最近嘅關心，噚晚同我一齊出席演唱會嘅，係我女朋友Renee，亦都係較早前一齊去迪士尼玩嘅朋友，最近透過朋友介紹認識開始拍拖，希望嚟緊大家都俾多啲時間同空間我哋，多謝大家！」
立即更新/下載AM730手機APP 體驗升級功能
