伍富橋與森美和兩位健身的好友昨日（27日）一起參加Hyrox香港2025。（受訪者提供）
伍富橋與森美和兩位健身的好友昨日（27日）一起參加Hyrox香港2025，伍富橋老婆梁兆楹（Shirley）亦有自製應援牌現身撐場為老公打氣。伍富橋接受《am730》訪問表示：「我哋用公司名義去參加比賽，我哋總共有四個人參加，森美大哥係第一次玩，佢以前都話冇乜去練體能，呢個比賽就令到佢決心去練腳部肌肉，啟發咗森美大哥會繼續鍛鍊身體。」他興奮分享比原定時間提早完成比賽，並表示：「喺一小時二十九分鐘完成，所以目標達成，好開心！」
伍富橋興奮分享比原定時間提早完成比賽。（受訪者提供）
伍富橋隨即分享比賽的流程：「其實呢個比賽可以一個人玩或者兩個人玩，都可以四個人玩，總共有八個動作，每個動作做之前都要跑1公里，我哋四個人玩就可以分工，四個人玩就可以一個人玩兩個動作加跑2公里，就總共8公里，合共八個動作。」他繼續指這個活動近幾年非常流行，所以吸引很多愛健身的人參加，據了解今年接近二萬人報名參加。
梁兆楹接受訪問分享對於老公伍富橋比賽的表現評價，她笑言：「最緊要enjoy同埋個人冇事，咁就贏咗世界冠軍，冇話咩特別嘅表現，就係見到佢哋玩得好開心同埋成個會場都好熱血，跟住嚟緊佢11月又會做毅行者，我已經慣咗做support嘅角色。」
立即更新/下載AM730手機APP 體驗升級功能
