ERRORERROR正副隊長梁業(肥仔)和何啟華(阿Dee)，今日(27日)現身樂富出席「宜居城市探險終極任務」活動。
ERROR正副隊長梁業(肥仔)和何啟華(阿Dee)，今日(27日)現身樂富出席「宜居城市探險終極任務」活動，兩人分組與fans大玩遊戲，兩人又抵死地搭膊頭擰轉背，扮193郭嘉駿被指拍拖的「洩密照」擺甫士。活動猶如兩人的見面祭，不少fans都有機會與偶像近距離互動玩遊戲。
問到ERROR可會舉行見面祭時，兩人異口同聲表示下半年各自忙於不同工作，阿Dee忙於拍戲並將參演舞台劇，肥仔亦忙於為《Di-Dar 原創音樂劇場》綵排，短期內未必能四子齊人合體，至於保錡將會於月底和阿Dee出席球會的私人活動。
阿Dee唱功大進化
兩人早前剛與陳柏宇、馮允謙和黃妍完成《甚麼是喜劇》音樂會，本來分開兩晚的演出因颱風韋帕襲港改為一日兩場，阿Dee直言第二場感疲乏，但慶幸感受到觀眾傳遞的力量，肥仔就讚阿Dee在唱歌方面有進化，「以前開show佢好驚唱歌，而家好鐘意唱歌，我已經幫佢諗咗，出solo歌名係《非洲唱情歌》。」阿Dee曾承諾在經濟不景時會推出個人solo，笑言諗定歌名是「樂富五車(學富五車)」但聽了肥仔意見，改變主意為《非洲樂富五車》，肥仔就順勢叫阿Dee半裸造型上陣，全場fans立即起哄贊成。談到阿Dee在音樂會上不敢拖黃妍的手，他就搞爛gag回應：「我隻手好濕，費時搞到人掂唔到支咪，我係蒙古皇帝(大汗)，血統問題。」
193據理力爭
談到193不忿被屈，在threads公開回應，並自稱是「deepweb」，清楚發帖者身份，阿Dee和肥仔齊聲表示甚少上連登，阿Dee指193向來人脈廣博，消息靈通，他認真表示，「最主要係佢唔開心被屈嘅感覺，若你屈佢，佢就會據理力爭。」肥仔補充說：「如果佢有做就算，如果冇做過，被屈就真係唔開心。」問到兩人可有安慰對方時，兩人笑言有在群組內「一齊屈佢」，，又追問他女方是誰，令193激動回覆：「你睇清楚，高度都唔啱！」對於有人認為相中男子背影似阿Dee，他就強烈否認。肥仔問他想跟誰傳緋聞，阿Dee自言喜歡歐美風，想跟Taylor Swift傳緋聞，肥仔就自言好傷心，「我話要同sica傳緋聞都冇人報。」阿Dee即提議：「你都係同花姐啦！」
直認可處理得更好
談到MIRROR隊長楊樂文(Lokman)新歌宣傳照，引起網民聯想MIRROR演唱會事故而急急下架的風波，身為好兄弟的阿Dee亦有留意，他表示，「佢本身都忙緊工作，每人點睇一件事都有佢嘅自由，但我理解係瞓醒就見到大家點睇呢件事，我覺得最緊要尊重返，係要檢討，但有啲嘢可以處理得更好，但我覺得唔係某種惡意中傷嘅言論嘅出發點，都見到有啲惡意中傷，我相信大家明白，大部分都知道件事唔係故意。」
立即更新/下載AM730手機APP 體驗升級功能
