佘詩曼近年經常中港兩邊飛，但一有空亦會陪伴佘媽媽。
現年50歲的佘詩曼是圈中出名的孝順女，阿佘在5歲的時候，爸爸因交通意外離世，佘媽媽(Lily)要獨力湊大阿佘三兄妹。昨日，是佘媽媽的73歲生日，阿佘近日雖然忙於《新聞女王2》的宣傳，但亦有抽空陪佘媽媽慶生。
佘媽氣色不錯
阿佘在社交網分享與佘媽媽的合照，見二人齊齊穿上黑色衫，阿佘緊緊攬實媽媽，展露燦爛的笑容，並頭貼頭合照，盡顯深厚的母女情。早前，有指佘媽媽患上惡疾，正在接受治療，而相中所見佘媽媽氣色不錯，相當醒神。阿佘更特意為媽媽準備了一個紫色蛋糕，並寫道：「我最愛嘅媽咪，生日快樂！琴日同你切蛋糕嘅時候，望住你笑到咪咪眼咁，冧哂！世上最奢侈嘅浪漫，唔係收到幾多花、幾多禮物。而係有人願意將畢生嘅春天（青春）花喺你身上，愛你、保護你！媽咪：感恩有你！P.S 希望大家都要記得，好好擁抱身邊愛你嘅人。趁仲嚟得切，用行動話佢知：你對我嚟講，好重要。」
