佘詩曼（阿佘）和陳豪今日（23日）出席發佈會。（娛樂組攝）
佘詩曼（阿佘）和陳豪今日（23日）出席發佈會，他們接受訪問表示：「我哋好耐冇見啦！我哋舊年喺萬千星輝頒獎典禮攞獎嗰陣時見過一面。」阿佘繼續表示：「我哋真係10幾年冇合作，對上一齣劇已經係《4 In Love》。」
佘詩曼心情大好。（娛樂組攝）
佘詩曼陳豪有望再合作拍劇
被問到過往最難忘的合作經驗，阿佘回答：「應該係《火舞黃沙》。」陳豪繼續分享：「我哋拍過《天與地》同埋《公主嫁到》，每一套都唔一樣。我同阿佘實在CP太多，每一次嘅感覺都唔一樣。」提到昔日在劇集《火舞黃沙》合作，他們異口同聲表示：「好值得回憶，全日都喺個井入邊，凍到死。」提到陳豪在《火舞黃沙》演出時半裸上陣，他笑言：「我唔算，黃德斌勁啲，攞埋個身材出嚟曬。」至於二人會否希望再合作拍劇，阿佘回應：「再拍多次《火舞黃沙》，可以睇吓你（陳豪）點keep。」
《火舞黃沙》。
佘詩曼陳豪指冇同徐子珊聯絡
提到保養之道，阿佘回應：「少啲糖分係好嘅，咁就真係唔會肥。唔係完全戒，但係盡量飲少啲有糖嘅飲品，有陣時飲一兩啖過口癮。」陳豪則笑言：「我聽到之後要學習一下，我有好多小朋友，都好鍾意食糖，所以我要由今日開始食少啲糖。」講到最近有否跟徐子珊聯絡，他們異口同聲表示：「冇啊！都比較少聯絡。」佘詩曼聞徐子珊最近現身法國，並笑言：「咁正，好羨慕，等我哋去搵佢先。」
