佘詩曼獲一班劇組人員為她慶生。
佘詩曼最近忙於在內地拍攝《新聞女王2》，日前迎來50歲生日的她，獲劇組及好友為她送上驚喜的慶生活動，不過原來佘詩曼本不打算慶祝生日，因她正經歷人生悲痛「親人」離世，佘詩曼在社交網表示陪伴了她13年的愛犬Noble日前離世，令她心情直插谷底，強忍悲傷開工，本來更不打算慶祝生日：「其實喺我生日前兩日，陪伴咗我13年嘅Noble因為身體不適突然離世，我心情跌到落谷底，由於要對Man姐負責，所以強忍淚水，盡量做到秒速平復情緒。就係咁樣，完全唔打算有任何慶祝活動。點不知，計劃永遠都唔夠變化快，一打開門，全部friend彈晒出嚟，嗰吓真係嚇一嚇！仲好記得你哋一張張充滿愛嘅笑臉，你哋嘅笑聲讓我忘記一切，亦超越一切！仲要突然宣布第日放假一天，心情簡直衝上雲霄！」
佘詩曼獲「七魔女」送上生日驚喜。
驚喜一浪接一浪，其後她再獲劇組全員她他送上驚喜，佘詩曼表示非常感動，更特意點名感謝陳欣健女兒、經理人Joanne (陳易遙)：「特別鳴謝我至愛嘅好朋友及經理人 悉心嘅安排！You are the best！Love you bro ，盡在不言中」。
立即更新/下載AM730手機APP 體驗升級功能
