保錡@ERROR再挑戰10公里賽 比渣馬快8分鐘 跑步如人生要不停搵方法進步

ERROR成員吳保錡去年開始愛上跑步，不時在社交平台分享跑步的得著，今年首次參加渣打馬拉松10公里賽事，以55分12秒完成賽事，他表示今年內逐步挑戰半馬，繼而往台灣參加全馬賽事，非常有決心，近期不時與Sammy@KOLOR和盧巧音等一起練跑。

今早，保錡再次挑戰10公里賽事，並與同樣參賽的周家怡合照。完賽後上載衝線照片，寫著：「第二次參加10k 比賽今次成績47:02，贏左上次自己8分鐘，再贏一次自己，跑步如人生一樣要不停搵方法進步，冇人話你唔得，只有自己話自己唔得，大家一齊加油繼續打贏自己，Echo my heart。」除了順道宣傳新歌《Echo my hear》，他喜見一齊比賽的大表嫂Alina(李炘頤)、阿神(曾贊學)和蔡寶欣齊齊進步，同時感謝粉絲送上清水支援跑手。