入住酒店隔離被拒 孫慧雪︰我係自發性隔離咋

孫慧雪與李君妍早前一同為《姊妹淘》拍外景，及後李君妍通知其同住家姐確診，她成為密切接觸者。阿雪擔憂自己受到感染，會把病毒帶給老公及囝囝，於是搬到酒店自我隔離14日。幸好首輪病毒快速測試的結果呈陰性，但為了大眾安全，阿雪表示仍等待深喉唾液化驗檢測報告，在這個階段仍會繼續作自我隔離。

不過報道出街之後，阿雪被酒店要求退房，她在社交平台留言說：「話說前2日，我俾酒店職員見到啲報道，就趕咗我走！我明白佢哋嘅擔心，但我想解釋返，我並唔係強制隔離、或戴手帶嗰種，我只係小心為上，『自發性隔離』咋！我自己都做好一切防疫措拖同清潔消毒！所以大家都唔好咁擔心我！！我嘅深喉測試未出報告，係因為呢2日並唔係工作天，而且工作人員都好忙，所以要等下星期再同大家報告！」阿雪其後老公載她搬入服務式住宅繼續隔離，阿雪一身防疫打扮坐老公座駕離開，她表示十分掛念囝囝Riley。