方力申在比賽勇奪男子200米背泳45-49歲組別冠軍。
45歲的前港隊「飛魚王子」方力申近來頻頻報喜，繼情人節宣布結婚，6月公布老婆懷孕後，日前，他參與新加坡舉行的「世界先進游泳錦標賽」（World Masters Swimming Championships）亦大放異彩，以2分16秒84勇奪男子200米背泳45-49歲組別冠軍，果然寶刀未老。
方力申過去曾創下多項香港紀錄，並代表港隊出戰2000年悉尼奧運，其後踩入娛樂圈在2004年正式退役。今次參賽再次勇奪金牌，方力申賽後在社交網分享心得，他表示離開泳池十多年，是2019的環島泳令他重燃對游水的愛火，現在堅持每星期三次朝早跟泳隊，6點幾起身練水，另外自己再游多三、四次。
方力申近來頻頻報喜，繼宣布升呢做爸爸後，再奪游泳獎項。
方力申非常滿意自己今次的表現，並表示付出有回報，他續有感而發謂：「如果唔係環島泳，我諗我係絕對唔會再游返水。因為，我以為我係永遠唔會再鍾意返游水嘅，因為，我知道無論我點樣游，我都冇可能快過我以前啲時間。但其實唔一定係咁嘅，只要我肯放低我嘅一啲執着，淨係諗住做我自己鍾意做嘅事，咁樣開始，我就唔會有壓力，冇壓力就開心，開心咪繼續游囉，游得多咪會進步囉，起點低唔緊要㗎，個進步咪會仲明顯囉，咁有進步喇，個人咪會仲開心啲，咁都咁開心喇，咪會再練多啲囉，就係咁㗎喇。」
ADVERTISEMENT
送 CulinArt 1862 HKD500元餐飲禮券及八月四大購物展入場券！
