黃天頤內疚讀錯Jay Fung歌名，於是罰抄兼向Jay說對不起。
農夫C君的老婆黃天頤在香港電台擔任DJ多年，前晚她擔任《第46屆十大中文金曲頒獎音樂會》司儀期間，誤將馮允謙(Jay Fung)得獎歌《會再見的》說錯成《會過去的》。昨晚她在社交網分享與C君撐枱腳慶祝拍拖11周年的照片，透露自我罰抄了100次「會再見的」。
黃天頤大讚C君一早book枱慶祝，「原本佢仲話順便幫我慶功做完金曲，但我話無嘢值得慶功，因為我頒完3首金曲之後tag返轉頭Jay Fung唱《會再見的》做《會過去的》。當時我仲好流暢講完我腦入面嘅tag，自信滿滿行入後台，因為我連自己講錯都唔知……同事話你講錯咗，我當時嘅反應係：咁我講咗咩？！
當時我掛住做下一part同更正番都未識羞恥，係到今朝瞓醒喺床度諗起直頭晴天霹靂，明明我報榜做精選加播歌講過呢個歌名100次都有，結果竟然突然中年好聲音主持人上身，down咗一日……」
Jay Fung在十大金曲掃5獎成大贏家。
Jay Fung回覆安慰
她續指有向馮允謙道歉，對方未有介意，反而留言安慰她︰「Jay Fung BB係完全無介意過嘅，我同佢say sorry，佢有安慰我，佢都會唔記得自己啲歌名，暖男。但我喺今日節目度話要抄100次個歌名，結果去食飯前我抄咗喇，奉上美食與罰抄圖。好似溫完書覺得自己一定得，但原來答錯嘅感覺。C叔安慰我，佢做隔籬台頒獎禮試過未頒獎講完個tag就講byebye。我安慰自己好在唔係宣布結果時講錯，今次真係會過去的，會再見的，最好笑係《會過去的》都曾經攞過金曲獎。」
馮允謙亦即時在帖文留言安慰︰「請不要難過！我們有時都會不小心犯錯，因為我們都是人類，振作起來吧﹗」Jay Fun非常窩心。
C君和黃天頤慶祝周年紀念，分享甜蜜照。
立即更新/下載AM730手機APP 體驗升級功能
