陳卓賢獲創作人銅獎(李睿哲攝)
《叱咤樂壇流行榜頒獎典禮 2022》的「專業推介．叱咤十大」名單全出爐，第三位是Dear Jane的《到底發生過什麼事》，第二位是MC張天賦的《小心地滑》，至於叱咤樂壇至尊歌曲大獎由林家謙的《邊一個發明了encore》奪得，他上台先多謝黃偉文(Wyman) ︰「呢隻歌其實為咗我第一個騷寫咗好重要嘅歌，初初冇諗住寫演唱會，我覺得作用好短暫，但後來發現可以用encore延伸人生大課題，所以好多謝佢嘅idea。」
林家謙與何秉舜(李睿哲攝)
當林家謙唱完得獎歌曲之後，他說︰「珍惜一切，因為唔知幾時會失去，當失去咗就由得佢離開，唔使刻意彌補一啲缺陷，有時有少少缺陷同遺憾先係完整。所以希望大家好嘅壞嘅都會好好記住，記住開心過、失落過，我哋先會記得點樣克服過，先知道幸福，加油！」
接著大會再頒發幕後人大獎，黃偉文繼續冧莊奪「叱咤樂壇填詞人大獎」，並拍片分享得獎感受。今晚其中一個重點落在「叱咤樂壇唱作人」，銅獎由MIRROR的陳卓賢獲得，他說︰「大家喺我唔相信自己時，選擇相信我，終於稱我為創作人！」而銀獎是馮允謙，金獎則是林家謙。他們三位同時獲得「專業推介．叱咤十大」，各有兩獎在手，而林家謙暫時以兩金領先。
Wyman身在海外拍片致謝。
陳卓賢獲創作人銅獎 。(李睿哲攝)