叱咤903蔓兒忽然失業，近日她終於回應自己被炒是與盧覓雪言論無關。
效力商業電台叱咤903達七年的蔓兒，上星期五突然收到公司通知被即日解僱，由於事出突然，加上蔓兒亦未有透露被炒原因，繼而引起不少揣測。
蔓兒除了開咪外，亦為節目《在晴朗的一天出發》擔任幕後的PA工作，對於盧覓雪日前在《晴朗》中談及姜濤墮海一事，並質疑姜濤智商有問題，其發言結果引起姜糖不滿，通訊事務管理局接獲數宗有關投訴，其後便傳來蔓兒被炒消息，難怪有人認為商台炒蔓兒是與盧覓雪的言論有關。
對此，蔓兒已在IG開live開腔回應，澄清被炒與盧覓雪一事無關，她稱：「其實嗰啲說法都係講嗰啲人力資源調配嘅問題，我再講一次，唔關上星期《晴朗》發生嘅事，大家都係被動嘅一方。」蔓兒透露收大信封當日，自己如常做節目，當她收到大信封，打開包括兩張支票，蔓兒表示：「長期服務、即日通知及補一個月薪金，啲數好和味，當時有啲sad，但只要你望一望兩張cheque，雖然我喺商台嘅人工真係非常低，但係當你乘以咁上下年份，再加呢樣嗰樣，其實都係唔錯嘅。」蔓兒透露加入商台七年，月薪仍徘徊在「一字頭」，指就算在商台工作十年的幕後同事，通常人工也也未過「二字頭」。昨日蔓兒再度出po，上載跟《晴朗》拍檔的飯聚合照，更由盧覓雪埋單，蔓兒寫：「無咗蔓兒太陽照常升起，晴朗照常出發！話哂湊咗你哋咁多年，幾個大個仔大個女都係時候要獨立㗎啦！蔓兒而家終於可以un un 腳安享退休生活。」
ADVERTISEMENT
20周年「全城撐本地消費3重大激賞」！ 即睇活動詳情！
