為《在晴朗的一天出發》任幕後的商台DJ蔓兒，上星期五突然被公司即日解僱。
商業電台DJ蔓兒效力叱咤903達七年，近日她在社交平台自揭已遭公司解僱，由於事出突然，加上蔓兒亦未有透露被炒原因，繼而引起不少揣測。
蔓兒於星期一(6月30日)撰文：「蔓兒失業了！上星期五原以為又係尋常嘅工作天，結果變咗last day～被通知嘅一刻心入邊有好多唔同嘅想法同感受湧現，但最強烈嘅一個想法就係『今日套衫唔夠靚！』於是就返屋企換套衫！失業唔緊要，最緊要靚！一邊執枱一邊睇返自己哪創作，諗返呢七年多以來晴朗大大小小嘅活動、慶祝生日企劃、903籃球賽、Sis私服服、九零三八…自己都真係學咗好多嘢、做咗好多嘢、成長咗好多！感謝呢度令我遇見唔同嘅人同事！人嘅記憶體有限，我只會記得好人好事…」蔓兒收公司大信封似乎毫無先兆，她還感觸道：「七年，要學嘅嘢學咗，做到嘅嘢都做咗，每日循環做同樣嘅事情有時都會諗究竟幾時先完。所以都係時候轉換一下新嘅環境，不過自己都有d迷惘同懶懶閒。所以而家咁樣都好嘅，俾啲時間同錢錢我休息吓做吓gym去吓日本。宇宙對我好好，相信佢係用最好嘅方法帶我去一個更好嘅地方，尋找更好嘅自己。」蔓兒除了開咪外，亦一直有為《在晴朗的一天出發》擔任幕後工作，她於上星期五收到通知後即日離職，商台亦俾足一個月糧及計足遣散費。
對於《在晴朗的一天出發》日前鬧出風波，主持盧覓雪在節目談及姜濤墮海一事，她質疑姜濤智商有問題，其發言結果引起姜糖不滿，通訊事務管理局接獲數宗有關投訴，蔓兒近日忽然被炒魷魚，未知是否與盧覓雪的言論有關。
