吳卓羲
現年43歲吳卓羲（Ron），喺2000年加入TVB被安排拍攝《大唐雙龍傳》、《衝上雲霄》、《學警》系列等經典劇集，與林峯、黃宗澤、陳鍵鋒被譽為TVB四大小生。近年，吳卓羲專注於內地發展，密密接job嘅佢憑參加真人騷《披荊斬棘2》和《大灣仔的夜2》人氣急升，更被內地網民封為「顏值天花板」，甚至比黃宗澤同林峯更靚仔。
近日，吳卓羲獲邀到廣州出席品牌活動，當日吳卓羲以全白色西裝示人，喺準備步入場地時，竟然有粉絲誤認佢係林峯，大叫：「林峯，你好靚仔呀！」，之後吳卓羲擰頭面向粉絲，並瞪大雙眼、抿嘴唇及點頭，搞到場面有啲尷尬。
「無聊至極 一d都唔尊重人」
有網民認為粉絲叫錯名好冇禮貌，留言話「亂喊名字會不會不禮貌」、「一點都不覺得好笑，只覺得沒禮貌」及「無聊至極 一d都唔尊重人」等等，不過就有粉絲解釋係特登叫錯，因為吳卓羲、林峯同黃宗澤好熟：「因為很熟 吳卓羲跟林峯黃宗澤就故意的」、「一人等於三人hhhhh」、「就是真粉才這樣的」及「講粵語的不會認錯他們，只是有意的玩梗而已吧」等等。
另外，亦有網民大讚吳卓羲回應得體及好靚仔，例如「這男的真是十幾年如一日啊」、「好靚仔」、「他還回應呢！修養不錯！」、「他好有禮貌」、「好可愛，哈哈」及「而家靚仔過林峯好多」等等。
原文刊登於 Yahoo 娛樂圈
▼按圖輯放大夏天消暑3式▼
