周嘉洛出席「防騙便利店」開幕禮，自言是電騙常客。
周嘉洛早前出席「防騙便利店」開幕禮，鼓勵大眾前來體驗這個獨特的防騙互動區。隨著科技的進步，電騙手法層出不窮，周嘉洛自言是電騙的「常客」，曾差點被收數公司成功騙取金錢。他在活動中分享自己的經歷，提醒大家保持警惕。
「防騙便利店」與本地人氣漫畫角色「大麻成」聯乘，設有三大特色互動體驗區，讓市民在玩模擬遊戲的同時學習防騙知識，還能免費換領限量禮品。周嘉洛表示，「互動區設計非常用心，能簡單明確地提醒大家防騙要點，讓人容易記住。
在活動中，周嘉洛首任一日店長，他笑稱自己經常巡舖，對防騙商品瞭如指掌，更指店內三大防騙互動區域及每件商品都非常出色：「例如杯麵區嘅Deepfake偽人有伏味，唔係『藝人』，係『偽人』啊！平時成日話有片有真相，但騙徒可以用Deepfake技術冒充股神，甚至你嘅家人，所以最緊要係保持冷靜，同當事人查證，唔好有片就信咗先！」
周嘉洛體驗互動區後，大讚設計好玩又過癮：「明顯感覺到幕後團隊好用心設計，每樣商品都能夠簡單明確提醒受眾一啲防騙要點，容易入口容易記。」他最喜歡「投資切忌耳仔軟糖」及「投資邊有贏硬糖」，直言比較適合現階段的自己：「自己唔係特別聰明，所以便利店嘅商品幫到手！」同時，體驗區亦可以教育大眾遠離電騙「呃」運，每個設計都極具心思又有意義，更鼓勵大眾到店體驗兼打卡。
自爆差點被收數公司成功騙財的周嘉洛，幸好當時記得保持冷靜，才能力保不失：「啲騙徒善於捕捉受騙者嘅心理，通常會喺緊迫情況下逼你做決定，甚至會令你擔心埋屋企人。好好彩，喺騙徒嘅對話入面留意到破綻，最後保得住自己荷包。」問到小時候可有被騙或騙人經歷，他笑稱兒時曾欺騙父母：「細個唔識諗，為咗可以參加課外活動，冒媽咪簽名。睇落好似好小事，但係結果當然係得不償失啦，做錯事係要負責任嘅！」
周嘉洛鼓勵大眾到店體驗「防騙互動區」，袋穩貼士遠離電騙「呃」運。
對於有騙徒假扮藝人呃錢，周嘉洛坦言自己亦是受害者：「身邊有唔少藝人朋友試過，俾人hack入社交平台帳戶同埋點數卡嗰啲，大家都好醒目唔會信㗎啦，但係利用fans對藝人嘅支持呃錢，真係好嬲！我係絕對唔會私訊fans攞錢嘅，大家唔好俾啲花言巧語氹到！幸運地佢哋都好聰明，只能夠講懂得欣賞我才華嘅人都好有思考能力。」
最後他更搞笑呼籲騙徒改邪歸正：「有啲行業，賺到嘅錢同種下嘅孽係成正比嘅，騙徒就係一分耕耘一分孽債，越努力越危險，我建議各位師兄姐轉行！」周嘉洛希望透過這樣的活動，讓更多人了解防騙的重要性，並鼓勵大家積極參與，提升防範意識。
ADVERTISEMENT
20周年「全城撐本地消費3重大激賞」！ 即睇活動詳情！
