陳健安生日與歌迷聚會 願望盡快舉行個唱
陳健安(Anson)明日迎來38歲生日，日前與歌迷會「本原族」的超過百名成員一起聚會慶祝，現場氣氛熱烈，充滿歡笑與驚喜。而活動不但是他的生日派對，也是陳健安歌迷會成立3周年盛典。
安仔的生日會場地布置得五光十色，設多個打卡位，特別是蛋糕上的Chiikawa兔兔和外星人，讓他讚不絕口，讓到場族人和他共度這個特別日子。他們席上大玩遊戲、唱歌、抽獎、合照，還一起切生日蛋糕，場面熱鬧。
安仔的生日願望除了希望大家能夾到心儀的公仔外，盼自己能在更大的場地舉行個唱，他說：「單飛至今都有廿幾卅首歌，近年又多咗啲新歌。上次喺麥花臣開咗4場，但都有歌迷話買唔到飛，希望喺更大嘅場地開騷。呢個唔只生日願望，係目標。」
眾所周知安仔寵粉，自己生日反而狂送出禮物和海報、落場一齊玩遊戲、即場親手刨西瓜冰，還自𢹂喇叭首唱新歌《額頭有字》，讓族人先聽為快。看見歌迷會「本原族」日漸成長，族人相親相愛，安仔感安慰，說：「歡迎新『族人』，亦多謝一直支持我嘅舊『族人』，我哋嘅相遇永遠都係不遲不早。」安仔透露剛收到新歌歌詞，即將錄音，族人都興奮歡呼。
安仔感激族人為他生日花盡心思，他有回禮：「我精挑咗好多夾嘅公仔送俾大家，以sweet為主題，例如一對對嘅公仔或者甜品系列，亦有我割愛嘅Chiikawa特別版和神秘禮物 ，希望大家鍾意。」期間安仔誤認小新妹妹是小新女友，全場爆笑。
安仔真的有很多愛他的歌迷。
ADVERTISEMENT
20周年「全城撐本地消費3重大激賞」！ 即睇活動詳情！
