周慧敏美國登台失準 走音兼無氣被狠批
解除防疫限制後，唔少歌手都出埠登台搵真銀。郭富城、黃凱芹早前都去到加拿大登台，而早前曾被謠傳同老公倪震離婚嘅「玉女掌門人」周慧敏，近期喺美國舉行巡迴演唱會。不過有現場觀眾將演出片段放上內地抖音平台，聽到Vivian演出時聲音狀態遠不及外表，唱《痴心換情深》時唔夠氣兼上唔到高音，表現唔多理想。（演出片段連結）
「唔係唔夠氣，係根本走音」
網民對於片段入面Vivian嘅歌聲議論紛紛，有人負評「差過唱K」、「唔係唔夠氣，係根本走音」。更有人將近期喺內地登台嘅林子祥葉蒨文夫婦相提並論，認為分別75歲嘅阿Lam同61歲嘅Sally，演唱時活力十足歌聲澎湃，將55歲嘅周慧敏比下去。
Vivian IG上面未見有觀眾投訴，好多fans仲話睇得好開心，亦有台灣歌迷希望Vivian到當地開show，似乎fans都真係好掛住佢。有網民將演唱會其他片段上載，大家可以聽下水準如何。
原文刊登於 Yahoo 娛樂圈
amjetso 20周年大激賞│請你嘆香港迪士尼樂園酒店及迪士尼探索家度假酒店餐飲美饌
