有網民在上班途中發現港鐵西營盤站出口水浸，他稱有大量曱甴隨水湧出，並爬上一名女途人的頭部，嚇得對方將手袋及雨傘拋開，該名網民自己亦「中招」，遭曱甴爬上手臂。(Threads)
本港連日受暴雨影響，天文台約6小時內兩度發出黑色暴雨警告信號，惟不少打工仔早上仍需於大雨下上班，其中有網民在上班途中發現港鐵西營盤站出口水浸，他稱有大量曱甴隨水湧出，並爬上一名女途人的頭部，嚇得對方將手袋及雨傘拋開，該名網民自己亦「中招」，遭曱甴爬上手臂。
該網民今日（8月5日）早上在社交平台Threads以「黑雨返工」為題發帖，指自己於黑色暴雨警告信號期間上班，於港鐵西營盤站發現出口水浸。他稱大量曱甴疑因躲避積水竄往街道上，甚至爬上途人身上，有一名女子被曱甴「攻擊」，「啲曱甴成群湧晒出嚟，爬上路人腳度，有個女仔俾(畀)幾隻大強圍攻，爬到上頭度至知，嚇到手上乜袋乜遮都拋晒落地下水氹度」。
樓主亦中招 「條頸同隻手仲痕痕地」
樓主指自己亦「中招」，「俾(畀)大強爬到我手臂至知中伏」，又留言稱「我條頸同隻手，而家覺得痕痕地添」，並解釋當時情況，「後巷曱甴跟埋啲水沖出大路……啲車經過又推返啲曱甴上岸」。
網民稱嘔心 「睇字都覺得毛管戙」
網民紛留言稱嘔心，「多謝你張相一隻大強都無，但睇文字都好驚」、「邊度可以換過對眼！睇字都覺得好嘔心呀X」、「隔住個Mon（熒幕）都好X驚」、「睇字都覺得毛管戙，一世難以磨滅嘅黑暗回憶」、「我明點解個女仔咁大雨都要抌晒啲嘢落地，因為係身體自然反應，應該想即刻返屋企沖涼，工都唔X返」、「沖10次涼都搞唔掂」、「今年見過最恐怖嘅嘢就決定係呢個」、「平時西營盤站啲渠味咁嚴重就知佢直達屎坑啦，平時都避之則吉唔會去呢個站上落車，仲要落雨天！」
亦有人指曾見到類似情況，「上星期四黑雨，我喺灣仔等細雨啲，都見堆曱甴上晒行人路，麵包店/食店啲阿姐用掃帚掃走+狂噴殺蟲水」、「星期六果日又係大雨，旺角大雨到老鼠都頂唔順走左上地面。仲要企係間鋪頭門口休息」。
ADVERTISEMENT
第3輪消費賞開始！勁送iPhone / 冷氣機 / BB車 / 空氣清新機！
