周柏豪近年主力喺內地發展,先後憑《聲生不息》、《披荆斬棘》第二季及《大灣仔的夜2》等綜藝節目獲得內地網民關注。雖然工作忙碌,不過身在內地嘅周柏豪亦有睇世界盃,日前佢仲興奮到上載爆肌照片,不過就有網民質疑佢嘅腹肌唔係真,只係靠打陰影。
現專注北上發展嘅周柏豪,頻頻喺小紅書及微博出PO同內地網民互動,日前佢就喺微博留言話:「最近每天都看世界杯,太亢奮了,但是晚上看球賽,日間又要工作,睡眠嚴重不足,今天天氣有點冷,所以工作時候我要求了多穿一件襯衣。#一起看球請就位##足够熱愛# 」,並上載三張爆肌照片,相片中嘅周柏豪擺出cool爆表情,未有扣好恤衫,露出誘人嘅胸肌及腹肌。
網民質疑腹肌唔係真
唔少內地網民睇完爆肌照片,紛紛留言大讚佢有型及靚仔,不過亦有網民質疑佢嘅腹肌唔係真,只係靠打陰影,例如「怎麼感覺像p上去的」、「這腹肌像假的」、「這是真的腹肌嗎?」、「這肌肉不真實到以為是畫的」、「畫的吧」、「陰影打得太貪心,太假了」、「靠化妝加強效果吧,明明在節目看見不是這樣﹗」及「以為女明星才打陰影,男明星也迷打陰影」等等。
原文刊登於 Yahoo娛樂LOL,am730獲授權轉載