連鎖快餐店大家樂喺5月10日起一連三週推出「大家樂 x 青春本我」閃卡和「聲夢閃咭套餐」,再喺6月1日宣布加推閃卡兩星期,唔知係咪因為太受歡迎呢?
網民指設計老套造型出事
「大家樂 x 青春本我」閃卡搵嚟炎明熹(Gigi)、姚焯菲(Chantel)、鍾柔美(Yumi)、冼靖峰(Archie)、張馳豪(Aska)及林君蓮(Kaitlyn)著校服擺甫士,然後再用上充滿懷舊味道嘅閃閃背景。閃卡曝光後引來網民熱列討論,指設計老套及聲夢學員造型出事,例如Gigi撞樣《櫻桃小丸子》嘅野口同學及Kaitlyn髮型似「超人之母」等等。
大家樂喺6月1日宣布加推閃卡,不過唔少網民知道消息後都紛紛留言表示唔吸引,例如「先唔講個人,張卡設計好老套」、「成個marketing出X晒事 想抄m記出啲X卡引Fans食 但一個垃圾餐69蚊仲貴過平時 人地m記個雞餐就無加過價」、「送比我都唔要啦」、「拎堆垃圾閃卡派街當優惠券仲好啦」、「真閃咭都要諗諗啦,更何況呢啲」、「送都唔X要啦」、「邊有M記咁好賣」等等。