Naimo𡃁模出身一直以來都是霆鋒粉絲。
由導演火火、吳若希（Jinny）及曾展望（GM）三位谷主主持，TVB Plus（82台）全新直播一小時節目《奇情谷》，逢周一晚9點半及周二晚9點35分播映，每集嘉賓的故事都會震碎各位三觀，對固有認知重新定義，走入一個誇張但真實的世界。昨晚（24日）主題「瘋狂粉絲大亂鬥」，請來「奇情嘉賓」擔任過「𡃁模」的馮鎵瀠（Naomi），Naomi是謝霆鋒死忠粉絲，她分享由小粉絲到入行，由追星到被追的經歷，又大爆粉絲間勾心鬥角的情況。而賴慰玲繼續以客席谷主身份暫替吳若希（Jinny）。
Sophie在IG限時動態中分享了收看《奇情谷》的短片，令GM喜出望外。
葉蒨文亂入節目撐曾展望公開耍花槍
《奇情谷》播出以來贏到不少谷友支持，今集就出現一位特別谷友，令GM喜出望外，直播時他甜笑表示︰「啱啱係chatroom有谷友話我知，有個粉絲喺屋企睇緊我哋，多謝你……」火火俏皮地問︰「嗰個係邊個呀？」GM略帶尷尬說︰「嗰個係公司同事……」此時賴慰玲加入戰團，笑稱︰「咩呀，Sophie（葉蒨文）吖嘛，佢係我學生，佢係睇我唔係睇你，係咪想多咗呀。」雖然如此GM依然露出甜笑。昨晚Sophie在IG限時動態分享收看《奇情谷》的短片，令花生指數一直高企。GM跟Sophie備受關注始於戀愛綜藝節目《女神配對計劃》，GM直言因為Sophie緣故才自薦加入節目，真情直白令觀眾動容。節目播出後這對組合大獲網民好評，社交媒體更是洗版式祝福，令二人關注度標升。眾所周知現年40歲的Naomi為謝霆鋒死忠粉絲，追星期間獲霍鋒不少獨家優待。
Naimo𡃁模出身一直以來都是霆鋒粉絲。
「𡃁模」Naomi自爆追星迷謝霆鋒
節目中Naomi自言最大成就，莫過於跟偶像一起揭曉《1998勁歌金曲第四季季選》金曲，她解釋︰「當日係我生日同霆鋒出道兩周年，有一個環節偶像可以帶粉絲上台，佢揀咗我陪佢。」不過這位霆鋒忠粉卻因一事，而與偶像錯摸25年，Naomi說︰「嗰時追星瘋狂年代點癲都好，大家有默契唔可以喺星屋企樓下等，呢類叫做『私生飯』，即係入侵藝人私生活嘅粉絲。25年前一個8號風球嘅晚上，因為塌樹無車搭，我要由銅鑼灣行去跑馬地返學，途中撞到霆鋒，嗰一刻佢覺得我犯咗『私生飯』罪名，我覺得好委屈所以罷睇當年《謝霆鋒Viva Live》演唱會。」Naomi笑言15歲𡃁妹不知那來的自信，霆鋒亦從其他粉絲口中知道Naomi拒看自己的演唱會。這趟鬥氣令Naomi等足25年，才可在啟德體育園再睹偶像演唱會風采，她笑言為了彌補損失，萬水千山撲足4場門票。
Sophie參與《女神配對計劃》。（IG圖片）
Naomi當年由粉絲到晉身𡃁模，由追星到被追，她自言亦遇過一些恐怖粉絲。有趟她在外地公幹完回港，有位男粉絲手持20多個壽包，在機場守候為她慶生。原本好開心，但想不到這位粉絲跟Naomi到夜場，更試圖闖入VIP房，事敗後就大叫︰「你淨係同啲靚仔玩得啦，我哋呢啲就唔使理。」她亦試過出席公開活動時，遭粉絲從後熊抱，要工作人員解圍。此外，Naomi透露當年追星，粉絲間流行不少術語，包括：頭寵（偶像最錫的粉絲）、擒（等到偶像派福利）、獨擒（獨佔偶像）、響名（偶像出場時，一班朋友大叫粉絲名字，等偶像知到自己在場）。當然追偶像車更是家常便飯，Naomi笑言最強試過由廣播道直追到樂富共7個交通燈，而當年有位一起追的女孩，已轉戰跑渣馬。
