GM一出現，葉蒨文即刻甜笑。
無綫全新戀愛綜藝真人騷《女神配對計劃》掀起熱話， TVB小花葉蒨文Sophie在第二集中，引來三位「求愛勇者」展開爭奪，當中曾展望GM似乎已贏得漂亮一仗。
至於在節目中同屬Sophie裙下之臣、戴上金絲眼鏡的林堡熙(Eddie)，亮相《女神配對計劃》後亦引起不少網民討論，全因Eddie不只為閃避球港隊成員，原來更是ViuTV常客。另一位林澤謙(Him)則隸屬手球港隊，除亮相過ViuTV節目《噢！運動主持都要選》外，早前亦為本地品牌拍下一系列內褲廣告，盡展結實body。
參加《造星V》第一回合出局
Eddie多年來一直是ViuTV常客，曾參加選秀節目《全民造星V》，可惜在第一回合跌入復活區後卻復活失敗，早於94強止步，而他亦參與過同台真人騷節目《阿女又戀嚟》，又演出Viu劇集《黑市》、《和解在後》，今次在《女神配對計劃》表現進取，除一來已大讚Sophie靚得健康自然，又主動出擊：「我都可以同你玩閃避球」，還邊說邊甜笑怕醜望枱：「如果你鍾意玩。」豈料卻換來全程表現謙厚的阿Him拋出一句：「佢鍾意打網球。」Eddie聞言即露出鋒利眼神。正當二人戰意飆升時，曾展望風度翩翩的進場吸引了全場目光，Sophie更開心得連環甜笑兼傻笑，GM亦乘機大讚女神「好靚」搏取好感。Eddie眼見GM進場贏盡頭威後，則忍不住酸溜溜謂：「GM一入嚟，我就覺得，喲！原來係同事，即係一早識嘅，咁應該會好多嘢講吖。」
該集節目尾聲，金牌媒人兼主持人林盛斌阿Bob出場，揭示了這場「三角枱約會」的潛藏規則，一個不留神，成餐飯分分鐘連女神正面都見唔到之餘，更有機會隨時被淘汰：「製作組根據Sophie揀偶條件set咗一啲考驗，每個回合贏咗嗰位，就可以喺嗰味餸度，面對面去了解同溝通多啲，另外兩位就唔好意思喇，淨係可以望住側或者背面。經過咗三個回合，最低分嗰個，唔好意思喇，係有機會被淘汰。」
