周嘉全被迫再次向李芷晴表白，奈何食檸檬收場。
《女神配對計劃》成功製造機會予葉蒨文及曾展望再作深入了解，但同一時間周嘉全上節目追李芷晴就食檸檬收場，令不少人婉惜。周嘉全深情的表白令觀眾動容，李芷晴事後表示如果時間再長一點，或者會改變選擇。
暗戀足7年
日前《東張西望》播出周嘉全及李芷晴的訪問，主持再次要求周嘉全向李芷晴示愛，可惜再度食檸檬，網民戥周嘉全再次被公眾處決大感難過，更指《東張西望》的做法是在周嘉全的傷口灑鹽。
《東張西望》提到周嘉全暗戀了李芷晴7年，之後主持安排他們再見面，二人面露少少尷尬之情。周嘉全續說︰「再講多次，我係相信佢做嘅選擇……唉！我都唔知點講好！」此時李芷晴眼濕濕，並表示「我唔知呢個感受係咩嚟！」並對方是一位很好的朋友，很好的傾訴對象。她說︰「無論係咩關係都好，我都好珍惜呢個人。」
周嘉全表示在節目中坦承鍾意一個人是很大壓力，「喺呢個壓力之下，我都敢於承認，你就可以睇得出佢(李芷晴)真人有幾好。」其後主持著周嘉全再次表白，令到李芷晴不知所措。
周嘉全說︰「我可以好幸定咁講，我係節目上講嘅嘢，對佢欣賞、鍾意，應承以後嘅時間、心機都希望俾晒佢，我覺得係完全真實。」可惜李芷晴再派檸檬，表示一切來得太突然，「我無向呢個方向諗過，我嘗試喺呢個方向諗諗先。」他們身後幾位女神包括梁敏巧、關嘉敏等起鬨，表示會支持周嘉全力追李芷晴，著他不要放棄。
