葉蒨文與GM曾展望隨時戲假情真。
《女神配對計劃》由林盛斌Bob為梁敏巧（Maggie）、葉蒨文（Sophie）、李芷晴（Stephanie/Step）、關嘉敏（Carman），及羅毓儀（Yuki）公開招親搵男友。除了李芷晴獲同公司的周嘉全上節目表白外，葉蒨文同樣獲GM曾展望上節目公開追求。
去年二人在《愛‧回家之開心速遞》中組成「MC配（Mike and Candy）」大受歡迎，但他們拍完之後便一直沒有聯絡，直至Sophie加入《女神配對計劃》後表示曾展望是其理想對象後，不少人希望GM可以參加節目。不過，GM亦講明不是受到網民要求而參加，「我唔想做嘅嘢冇人逼到我」，並且表示自己見到對方時已經很有好感，但知道對方當時有男友，直至知道她參加節目，即是回復單身身份，「我好少咁主動，因為我怕瘀，不過我更加唔想你畀人追咗，所以我過嚟追你，畀個機會我哋試吓。」
葉蒨文全程心心眼望住GM，GM更搞笑表示自己跟林子祥是同一日生日， 令到她甜笑說︰「你講真定講笑架？我個心跳得好快！你哋係咪玩我？將我嘅理想型放到咁後！」GM亦講明自己分得清她與《愛．回家》中的角色，葉蒨文害羞謂：「我未見過你呢一面，好唔慣，我平時覺得GM有少少玩世不恭Playboy feel，我覺得你今日好唔同，我feel到我好緊張。」
最後Bob表示她有5秒時間決定，葉蒨文堅定表示：「我唔需要嗰五秒喇，由開閘嗰吓我已經揀咗（GM）喇！」之後她上前為GM戴上「心動頸鏈」。事後5位女神開LIVE時，不少網民再提到GM，葉蒨文稱自己會先跟其餘2位男士相處，示意自己可能不會揀GM，但當關嘉敏、梁敏巧等指她跟本已選她GM時，葉蒨文笑到甜絲絲。至於李芷晴亦有回應為何不揀周嘉全，她表示事後也有跟周嘉全傾偈，自己一直視對方為好友，加上不想破壞現時的友好的關係，不想當下衝動而選擇對方。
立即更新/下載AM730手機APP 體驗升級功能
