曾展望公開表示希望可以跟葉蒨文發展。(娛樂組攝)
曾展望為追葉蒨文專登報名參加《女神配對計劃》，二人在節目中的表現隨即引來勁大迴響，更希望他們有情人終情眷屬，甚至有人指他們早在節目開始前半年已經過同居生活。曾展望今日出席錄影時，再次澄清二人未並同居，「我都想！多謝大家支持，我哋係了解緊嘅，由拍節目開始就一直了解緊。我真係多謝大家支持！大家係好錫我、祝福我，幻想到我哋同居，多謝大家！」
曾展望與葉蒨文在節目上配對成功。
希望可以發展
他直認希望可以跟葉蒨文發展，他說︰「我都下定決心、把心一橫、破釜沉舟參加個節目，當然想有機會！但感情係要順其自然，我都唔想大家俾太大壓力個女仔，我就豁出去，食得鹹魚抵得渴，但女仔受到咁大壓力會不知所措，係驚佢唔舒服。」他坦承二人有傾偈，在節目後也有聯絡。
專登揀嗰日出世？
由於葉蒨文公開表示曾展望是他的理想型，如今他現身參賽，是否代表另外兩男士可以自動棄權，他認為另外兩位男士條件亦是非常好。他說︰「佢哋兩個都好出色，又有身型！」不過，提到曾展望跟林子祥同月同日出世，已經足夠贏了，沒想到他竟然說︰「我係專登揀個日出世，個時就敲阿媽個肚話『夠鐘出世』啦！哈哈！講笑！(就係為咗葉蒨文？)係呀！哈哈！」他稱自己只是純粹八掛，無意中發現自己跟林子祥同日生日，於是借節目說出來。
曾展望搞笑表示為了葉蒨文，專登揀林子祥生日當天出世。(娛樂組攝)
如失敗也不感尷尬
問到女方對他的感覺如何，曾展望表示暫時覺得幾好，現時以好朋友模式相處，但自己希望可以有進一步行動。他又指葉蒨文一直都有很多追求者，「感情冇得勉強，就算最後追唔到，但我贏到大家支持，最後兩個人咩事都冇，我哋都唔會尷尬。」
見葉蒨文即有反應
由於二人在《愛．回家之開心速遞》是有感情線，問到如今的情況會否影響編劇，他表示一切由公司安排，自己回劇組也不會感到尷尬，而且作為演員是有能力分清演戲還是現實。有網民重看他們的互動片段，發現曾展望在劇中每當葉蒨文靠近他，或者拖手時，他都會耳仔紅紅，連他也忍不住笑了出來。對於自己的真實反應展露了出來，他一時回答不到，笑謂︰「我隻耳仔……係比較敏感！哎呀！我唔知點答你好！總之係有啲怕羞！多謝大家支持！我係絕對分得清！(但你耳仔紅喎！)呢個係我生理反應，我思緒係清晰嘅！係戲嚟嘅，劇情係令我有少少怕羞嘅！哈哈！」
