梁敏巧可能因為有3名男士追求，顯得特別明艷照人。(娛樂組攝)
梁敏巧(Maggie)近日因為拍《女神配對計劃》成為網民討論對象，Maggie在節目中周琁於十優醫生譚品堯（Henry）、「暖男律師」劉啟進（Matt）及63歲餐廳老闆Andy哥之間。今日她出席水晶店開張活動時，透露自己對Matt的印象最好。
同10A醫生kick kick哋
對於網民指她跟三名求愛者的互動最爆笑，Maggie表示當日拍攝時，現時有不少蝦碌場口，連她自己也笑過不停，希望日後節目組可以把這些蝦碌場口剪出來跟大家分享。問到她對3位的感覺，她說︰「我同Henry有係三角枱食飯之後相處過，佢係一個好有主見、有領導才能同好Man嘅人，佢話自己係一個好傳統嘅男人、好老公，但同佢單獨相處嘅時候，佢太嚴肅，所以有啲無形壓迫感，放鬆唔到自己咁，有啲撠撠哋！」
梁敏巧逐一點評3位男士。(娛樂組攝)
Maggie指Andy哥為人有霸氣，亦幾有幽默感，予人感覺是大前輩，「但溝通上真係太似前輩同後輩咁，冇咩愛的火花。」當談到Matt時，Maggie坦言對他有心動感覺，她說︰「因為佢都係好有主見、好man、好有領導嘅感覺，加上佢係一個好細心嘅人。我記得同佢第一次見面，喺後台傾偈有問我鍾意食啲咩，我話係朱古力，之後下一次見面，佢真係帶朱古力送俾我！呢樣真係好細心，真係好加分，好OK！哈哈！佢真係唔錯，佢都幾冧豬豬！」
梁敏巧指跟Andy哥相處沒有愛的火花，反而有前輩跟後輩的感覺。
期待新血加入
問到現時新增踢館環節，Maggie表示現在開放機會予新的男士讓他們同現有的求愛者追女仔，「咩形式、搵幾多個，點玩法真係唔知，因為係監製出咗PO先知有新男仔。都可能係一件好事，因為依家外間都認定咗某幾pair係一齊，如果加入新男仔，佢哋都拆唔散，就會係真愛！如果真係橫刀奪愛成功，亦都證明可以係節目更了解自己想要咩類型男仔。」
自己都收到10A醫生黑材料
對於10A醫生被爆黑材料，連林作也表示收到的報料多到嚇親，Maggie表示自己亦收到不少網民的私訊，但自己始終不是當事人，加上一些交友app對話亦難介定是不是真，因為頭像的照片可以被盜用。談到網民憂她選擇Henry，寧願她嫁給Andy哥，她笑言要看之後的發展。由於Henry跟羅毓儀組的醫美集團太子爺的Kenneth屬同一公司，外間質疑他們的集團是贊助商，或透過節目宣傳醫美公司，Maggie否認，並指他們的確是希望透過節目認識到心儀對象。
跟3位男士入Camp感情升溫
問到她有沒有以《東張西望》女記者的心態去了解3位求愛者，她笑言沒有，自己很享受跟3位男士的相處，而且拍攝camping那兩天更被節目組下令不能用電話，好讓她們可以認真跟3位男士深入了解，雖然時間很短，但亦從中了解到誰跟自己最有愛火花。」
ADVERTISEMENT
20周年「全城撐本地消費3重大激賞」！ 即睇活動詳情！
