羅毓儀與林俊其手拖手，女方直認相中人是他們。
《女神配對計劃》令葉蒨文及GM曾展望發展迅速，而李芷晴亦被傳媒拍到跟自己組別的「怕醜仔」金融分析師林焌堯（Jacob）私約打波。最近更有網民影到羅毓儀(Yuki)與林俊其(Kris)在旺角街頭拖手，早前T.Max接受本報訪問時，已經表示自己未能跟Yuki再進一步發展，原來Yuki跟Kris的發展一日千里。林盛斌向來有「金牌媒人」之稱，如今他主持的節目至少撮合了3pair人。
Yuki事後坦承二人在旺角拖手，但她就表示未正式一齊，她說︰「我尋日開工開咗好多個鐘，咁啱Kris都有返公司，所以收工後就出咗去食飯，同埋自從camping後，我哋私下都有見面，因為節目組都講過完咗camping可以私下約會了解。我哋嗰個位要過馬路，Kris就好有風度拉住我過，佢平時都好take care我，但過完佢就冇特別放手，我又唔知點好，但過咗陣，佢就同我講sorry然後放開咗，我諗佢可能都怕我介意，因為始終我哋又未一齊。」
《女神配對計劃》首播時，林俊其(Kris)跟曾展望一樣為了追自己的對象參加節目，但兩Pair在網上的反應大不用，葉蒨文跟GM獲全城祝福，而Kris跟Yuki則不被網民睇好，認為他們純粹是節目效果，不像葉蒨文跟GM甜蜜。然而，隨住節目發展，二人的感情不停升溫。
ADVERTISEMENT
立即更新/下載AM730手機APP 體驗升級功能
