關嘉敏(Carmen) 昨日出席CineArt MegaBox戲院開幕禮 X 開幕電影《超人》放映活動。（娛樂組攝）
關嘉敏(Carmen) 昨日出席CineArt MegaBox戲院開幕禮 X 開幕電影《超人》放映活動，她接受訪問指上次到電影院欣賞電影已經是今年初與朋友一起支持葉念琛執導的賀歲片。她說：「因為工作嘅關係，我成日都淨係可以喺屋企度睇，其實我睇戲係超鍾意食爆谷。」
姜卓文之前出席活動，令關嘉敏會心跳加快。(娛樂組攝)
關嘉敏自爆四年冇拍拖
談及現階段與姜卓文相約出街，她笑言：「冇呀！最近我都好多嘢搞緊，同埋佢又拍緊戲，但係我哋私底下都有溝通嘅。」講到二人的日常對話，她尷尬表示：「都係以工作為主，點算呀？」她得悉姜卓文非常熱愛烹飪，並揚言他煮每一道菜式也想嘗試吃。至於有否相約對方出外餐聚，她直言：「因為節目組叫我哋盡量唔好同啲男嘉賓見面，所以我哋就好乖同其他參賽者都冇見面，都淨係喺IG嗰度message。」被問到二人的對話當中會否提及想念對方，她直言：「我哋都未去到呢個階段，淨係好純情初步溝通嘅階段，都仲未去到曖昧。」
她透露單身將近四年，並表示：「我唔係好覺得寂寞嘅，但係我唔知點樣拍拖啦！所以我覺得呢個節目嚟得啱啱好，教識咗我咩叫做戀愛嘅感覺。」她希望未來的另一半懂得攝影：「咁我哋就可以一齊影啲情侶嘅相，係屬於靚同埋Fashion啲嘅相。」
關嘉敏爽直表現，令網民大讚是最正的女朋友。(娛樂組攝)
不擅長投資股票
講到譚輝智公開大讚性格外向，她笑說：「我似佢呀嘛！因為我本身個人都比較好動一啲嘅，拍真人騷最好就係唔使帶腦返工，可以隨心所欲，因為我完全唔知發生咩事，都係當日先知道要拍啲乜嘢，所以我覺得係非常之輕鬆，我冇諗過大家咁鍾意我呢個性格。」她繼續指因為真人騷節目打開知名度而增加工作量，她興奮表示：「節目完咗之後就多咗啲MC嘅工作，旅遊節目同埋綜藝節目嘅主持，總之係玩得開心嘅，我都想做。」
至於當年加入女團曾收八毫人工，現時收入增長多少倍，她表示：「我覺得唔可以咁樣衡量，但有好多工作類型俾我再去嘗試，又唔可以用錢去衡量。」談及是否有給家用，她直言：「係呀，好開心！因為之前俾唔到家用，但而家終於可以俾到，我本身由細到大都有理財嘅習慣，冇話儲幾多錢，希望有舒服嘅生活同埋可以養到屋企人。」她則指自己不擅長投資股票。
ADVERTISEMENT
20周年「全城撐本地消費3重大激賞」！ 即睇活動詳情！
