小儀和Edan、蔡俊彥於尖沙咀出席活動。(娛樂組攝)
小儀今日(3日)以主持身份於尖沙咀出席呂爵安(Edan)和蔡俊彥的聯乘活動。作為爵屎，她直言一票難求，「身邊好多爵屎朋友搶飛，10個只有1、2個搶到飛，我都替自己擔心，我都望佢加場。」她指自己只訂了一場，期待看到Edan在舞台上展現「大楷E」的一面，她亦留意到Edan的成長，「佢以前係唔理，好似冇顧及好多嘢，總之開心或者做咗先，但係依家佢會有啲考量、又唔係話計算，顧及大家或者呢件事會係點，可以話有思考咗，以前魯莽衝動啲，現在多咗思考。」她自言沒有勸導對方，指Edan工作上已有很多好好的前輩提點。
不認為與盧覓雪有關
效力商台叱咤9037年，擔任《在晴朗的一天出發》幕後PA工作的蔓兒被即時辭退，小儀表示從工作群組得知，蔓兒只留言「聽日冇得返工喇」，大家只能在群組留言「加油」、「江湖再見」，她自言未有機會跟對方見面，都是透過蔓兒的社交媒體更新消息。對於網民揣測與盧覓雪有關，她回應道：「我明白大家會有呢啲揣測，但我又覺得唔係大家諗呢個方向，一個機構有咁大決定，一定有佢原因，如佢所講財政上有調動，佢同我哋講都係呢樣嘢。」
談自保 做好本份
小儀坦言得知消息時，大感錯愕，因為財政年度已過，以為大家可安心。問到如何自保，她表示：「我做咗幾廿年都係咁，做好本份，公司好我哋大家都好。」而對於蔓兒提到人工低，小儀表示對方是幕後，未能似自己可接其他工作。「我唔知佢所謂嘅少係幾少，可能對好多人嚟講係唔錯。」
ADVERTISEMENT
20周年「全城撐本地消費3重大激賞」！ 即睇活動詳情！
