由「延禧CP」吳謹言及許凱主演嘅內地劇《尚食》，有指被視為收視救亡之作。劇情主要講述明代永樂帝昭選善於烹調嘅女子加入尚食局，姚子衿（吳謹言飾）為求再見到兒時一見鍾情嘅皇太孫朱瞻基（許凱飾），不惜學繪畫及烹飪遠赴深宮；成功爭取尚食局小廚娘席位，期間捲入宮廷鬥爭，直至最後成功封后。
灰色濾鏡演員黯淡無光
身高165cm嘅吳謹言，自出道以嚟一直保持纖瘦身型，佢曾喺綜藝節目《奇葩說》亦講過佢人生最肥嘅時候只有48公斤。唔少觀眾及網民嘅追《尚食》原因都係「延禧CP」，希望佢哋可以再續前緣，不過劇情多圍繞美食，二人嘅甜蜜鏡頭少之又少，令人大感失望。除此之外，劇集以灰色系濾鏡拍攝，導致演員妝容喺鏡頭下都變得黯淡無光，連女主角吳謹言都不能倖免。
唔少網民指佢太瘦，仲話好似骷髏頭同哈比人，例如「吳謹言係咪太瘦，有老態」、「女主實在太醜，求其一個宮女都靚過佢」、「吳謹言也太瘦了，想把我的10斤肉给她」、「吳謹言本來就比較挑造型，尚食裏面感覺又瘦了，那個服化道和黄濾鏡一弄，越來越像咕噜」、「吳謹言走哂樣」、「不嬲都太瘦又唔靚，延禧攻略時演技亦麻麻」、「吳謹言！骷髏頭咁，見到都🤮」、「真的瘦過頭了，再加上没口紅，真顯老」及「瘦到乾柴了……要是餓肚子為了漂亮無可厚非，這都瘦到不好看了真不必再減肥了，她跟佟麗婭一樣，胖點好看」等等。