岑麗香重投拍劇，主演HOY TV 首部原創劇《我愛九龍城》。(娛樂組攝)
陳家樂和岑麗香在HOY TV 首部原創劇《我愛九龍城》中首度合作，演一對在九龍城青梅竹馬成長的前度情侶。兩人今日(12日)現身探班活動，陳家樂表示整套劇都在九龍城區拍攝，並事先聲明並非甜蜜情侶，更有不少爭吵對手戲，家樂和栢天男分飾香香嘅前度和現任，談到跟兩位對手拍戲的分別，「其實有三角關係，佢(家樂)比較曳，角色本身都曳，好適合佢本人，栢天男嘅角色好正經，同埋有啲鬼佬，個火花幾得意。」
語法不通有笑料
岑麗香相隔4年再拍劇，不懂看中文的她，坦言要重新適應，起初較多NG，「頭幾日真係短短兩個字對好窒咗，好驚NG，但越拍就好似踩單車，記得番，係muscle memory！」家樂邊聽邊笑，「佢成日講咗一啲我哋唔明嘅嘢，但佢覺得自己啱，我哋要調整。」她坦言戲癮大發想演戲，「開始真係有啲緊張，因為條筋好耐冇運動，又要再投入背劇本，我好耐無試過做，搵番一個再次屬於我嘅空間，可做自己想做嘅事，如果有機會都想繼續演。」首次拍HOY TV劇集，家樂指很多幕後都在TVB或拍電影時曾合作，「最大分別係今次屬短篇劇集，每集廿多分鐘，節奏有啲唔同，比較集中，沒太多支線。」
香香雖然在外國出生及長大，但仍不時到訪九龍城，今次拍劇就進一步了解該區文化和歷史，家樂自言以前經常在九龍城出沒，「我有一排在附近居住，所以嗰時經常去九龍城食早餐、晚飯或買餸，同啲街坊同店舖老闆都認識，拍劇都有差不多一個月，認識更多老闆，方便我而家再去，就有好多正嘢介紹俾我。」
陳家樂拍劇期間剛榮升新手爸爸，當時女兒約4至5個月大，岑麗香育有一對4歲及6歲大的子女，家樂當然要向香香請教，兩人笑言，「除咗傾劇本，就傾湊仔！」家樂表示，「因為BB出世頭兩個我唔喺香港，所以好多嘢都好陌生，有個資深嘅媽媽可分享經驗。」兩人同屬藝人，香香就分享讓孩子看她參演劇集的經歷，「我大仔一歲，我好期待可以佢喺電視上睇媽媽，俾佢知媽媽做咩工作，但佢睇嗰時，我見到佢眼神覺得好奇怪，點解媽媽喺電視裡面，個爹哋唔係佢自己個爹哋。佢好shock，原來小朋友真係未明，好似成個世界都調轉咗，佢個世界只有爸爸媽媽，咁細個唔好搞亂佢哋。」不只是她的兒子，連朋友的仔女也有過類的經驗，家樂恍然大悟，「原來要等有認知，發展到知道也嘢係戲，乜嘢係真實，先俾佢睇。」
女兒情緒有變動
陳家樂與太太連詩雅今日各有工作出席公開活動，女兒交由工人姐姐照顧。家樂坦言會份外掛念女兒，「可能她已2歲，比較有自己的思想和情緒，唔係好想被陌生人接觸，佢本身係個個都會掂、個個都會錫錫，但自從1歲後，除了父母和工人姐姐，其他人想掂到佢或摸佢啲嘢，都會有情緒，所以呎段時間，我哋3個想盡量多啲喺屋企，等佢覺得安全啲。」問到女兒是否已懂得叫爸媽時，家樂立即展露冧爆笑容，「嗌得好好聽，因為我係受寵幸的一個，最近淨係肯叫爸爸。」回想第一次聽女兒叫爸爸，雖不致於感動到眼濕濕時，「但感覺好正，開口埋口都叫住我個名。(較喜歡親近爸爸？)咁有唔係，可能係最容易發音。」至於囡囡的個性似父親或母親，家樂稍作猶豫，「性格就一定唔係好乖好聽，她比較獨立，不甘於聽話。」
ADVERTISEMENT
😋請你嘆香港迪士尼20周年下午茶👇立即登記👇
