林芊妤自爆多年前遭的士佬屈偷食。
林芊妤(Coffee)早前宣布再度懷孕，但DNA「T21測試」發現染色體13或有問題，幸好再做詳細檢查後，顯示胎兒沒有問題，令她心情如坐過山車。日前 林芊妤在網台節目「SpotiTalk」中，與梁靖琪大談懷孕心情，更自揭當年搭的士被司機「老屈偷食」遭老公怒斥的經歷，一度令她情緒崩潰。
談到經常被外界誤解時，林芊妤就分享多年前的一次委屈經歷：「好多年前，嗰時啱啱生咗仔，上咗架的士，我同老公就傾緊偈，個話題就係講緊佢朋友個女朋友出軌，跟住之後個司機就喺度講：『個Coffee咪又係，上個禮拜先車佢，同個有錢佬去酒店！』嗰時可能係夜晚，佢認唔到。我嗰時喺度諗，究竟應唔應佢好呢？究竟件事係邊度嚟呢？定係其實佢認錯人？佢又係講：『佢老公咪又係勁，成頂綠帽都戴晒。』喺嗰一刻我冇回應件事，因為都好習慣俾人屈我。」
林芊妤續指，回家後遭老公鬧爆她為何選擇啞忍，而不為自己辯護：「我老公直頭係鬧我，話：『我唔覺得你可以保護到你個仔。』我覺得佢講得啱，如果我咁軟弱，『我可以同你一齊承受呢啲是非，但係你個仔，佢遲啲喺香港讀書，總會遇到一啲人badmouth你。如果你都唔識幫自己講說話，你個仔點樣捍衛自己呢？你自己都保護唔到自己，點保護個仔？』」老公這番話猶如當頭棒喝，她更即時流淚，並意識到為人父母必須要變得更強大。
ADVERTISEMENT
😋請你嘆香港迪士尼20周年下午茶👇立即登記👇
