胡杏兒帶兩子主題樂園度假。
胡杏兒早前帶細仔李奕宏（Liam）北上工作5個月年，上月終於回港，與丈夫李乘德（Philip）及3個寶貝兒子團聚。廿四孝的杏兒回港後即為大仔李奕霆（Brendan）與二仔李奕霖（Ryan）作出補償，全力陪伴，繼日前帶3子去到科學館睇恐龍化石展覽後，昨日再與老公攜兩子到主題樂園度假，不過在多張照片中未見孻仔的身影，似乎未有同行。
相中，見杏兒和Philip一人推住一輛BB車，帶住兩子由朝玩到晚，又睇煙花，更入住「魔雪奇緣」主題套房，食足幾餐，相當盡興。杏兒說︰「同小朋友一齊staycation，雖然大人真係會好攰，但都係值得嘅，自己都好鍾意啲rides，尤其是Mystic Manor，同埋煙花真係好靚！」而Philip則以英文寫道：「小朋友玩得好開心，食了比平時允許要多的爆谷、糖果及蛋糕，我們正在度假。」
