張家輝多次大讚《絕命法官》有料到。(娛樂組攝)
張家輝、胡杏兒、張兆輝、謝天華等今日(10日)出席《絕命法官》記者會，家輝多次以「有料到」形容劇集，更不時大叫如要再拍必須要加人工。大會著一眾在劇中被家輝陷害的演員申訴，最爆笑的是謝天華，投訴張家輝萬歲的次數少，令他不能大飽口腹。
今次會睇電視
家輝與杏兒一齊受訪，他開心內地播放的反應不俗，令他更期待香港觀眾反應。他指留意到有網民指劇集抄了《法官大人》，家輝指《絕命法官》是買了《法官大人》的版權，強調不是抄襲。他坦言自己很少看電視，自己也從沒有看過ViuTV的劇集，但今次一定有料到。他說︰「我自己好少睇電視，我無睇過ViuTV啲劇，但係《絕命法官》今次喺ViuTV播，我會睇！」
杏兒表示自己有看網民留言，開心獲得不少好評，加上有家輝坐鎮，絕不擔心作品的口碑。家輝聞言︰「擔心㗎！依家啲口味好難捉摸！總之今次有料到！」杏兒坦言自己有小朋友之後，很少看電視，但自己也有上網追看。家輝又提到拍的時候，未感到劇集如此有張力，但剪接出來的效果非常好。
張家輝與劇中的兒子曾向鎮。（娛樂組攝)
成日萬歲
談到家輝在台上要求加人工，他大呻人工不高，笑謂今次「被人屈」。問到家輝是否因為將人工全拿出來萬歲，他說︰「無關嘅！我成日萬歲！但係謝天華撞唔啱者！我萬歲萬到萬達院線咁樣啦。(打死佢嗰一場有冇萬歲？)哎呀！嗰日忙得濟無呀！好多嘢嗰日！(佢嬲你！）唔使啩，佢係壞蛋嚟，特登收埋唔俾佢食！」
張家輝表示今次拍攝大家都是很有經驗的演員，大家合作很愉快。（娛樂組攝)
關詠荷都有睇
家輝對於《絕命法官》的反應非常有信心，他說︰「至少我老婆(關詠荷)都有追看，我好少見佢睇電視，佢見到我有幕射謝天華係咁笑，問佢點解笑，仲問係咪我諗出嚟。(佢係咪平日都有睇你？)唔一定睇我㗎！佢今次睇，真係唔係為我而睇，係因為套劇囉。」他又指不擔心收視，因為現今的播放平台有很多。
ADVERTISEMENT
