35歲的張嘉兒16年誕下囡囡Leroa之後，今日在facebook宣布有喜，家中將會再添成員。張嘉兒與Leora一齊拍片，片中她問囡囡︰「媽咪個肚入面有咩呀?」Leora就答︰「有BB!」之後仲好開心錫了媽咪一啖。
她稱今胎比起陀大女時，較辛苦同易累，她說︰「真係每日淨係想黐住張床，不過係唔可以嘅，因為我仲要照顧我個女。作吐作悶嘅次數亦都多咗，聞到有油煙味都會感到不適。
「話雖如此，我好感恩同埋好開心上天送一份咁大嘅生日禮物俾我。一諗起將來多一個小朋友會帶比我哋一家人嘅歡樂，所有辛苦都變得值得。有人話養兒100歲長憂99歲，計我話係長喜99至真。我依家真係好想我嘅energy 快啲返嚟，等我可以計劃我嘅 baby-moon. 你話我去邊好呢意大利，馬爾代夫，定日本？」然後又hastag了「意大利又驚天氣凍」、「馬爾代夫又唔知適唔適合大肚婆」、「希望BB身體健康」、「係我個肚入邊健康成長」。
ADVERTISEMENT
立即更新/下載AM730手機APP 體驗升級功能
