張學友東莞演唱會險中途腰斬 ，直言聲帶有問題過唔到自己嗰關。
「歌神」張學友原於6月6至8日，東莞銀行籃球中心舉行3場演唱會，惟因與內地高考日期撞期，引發部分考生和家長擔心，有人更呼籲抵制，主辦方其後宣布演唱會延期至8月29至31日舉辦。
剛過了的星期日（31日）演唱會尾場，唱到一半卻發生小插曲，向來對自己極高要求的學友在台上突然宣布要終止演唱會，他說：「大家都見到，一開始我已經好難去控制到我聲帶，大家都知我做咗40年，要我做一個我自己冇辦法可以百分百掌握到嘅演唱會，我係過唔到自己嗰關。今次我揀嘅歌唔係易唱，我冇辦法完成今晚個騷。對我所有老師、20多位Dancers不公平，我非常抱歉 。」隨後，他表示要終止演出。
學友一度哽咽續說：「我好憎恨取消個騷，上一次唔關我事，我今次好想唱，但唱唔到，我會努力，唔知點收科。」他更即場示範一字馬，指自己依然跳到舞：「冇問題，仲做到一字馬，一字馬係冇問題。但我冇把握唱，我依家聲沙沙，相信大家都知我好鍾意唱歌，鍾意到發癲！」在場的觀眾不斷歡呼，並向偶像送上鼓勵，學友就表示：「不如咁，我繼續唱，唱到我唱唔到為止，好冇？」最後，張學友亦完成演唱會，並表示：「希望大家睇得開心，我盡咗力㗎啦。」其實，學友早前已4度因身體不適而取消《60+巡迴演唱會》的場次，他亦曾直認「身體變差了」！據知，他會返港休息，而最好的狀態迎接未來的工作。