張小倫今日宣布做老竇歡迎「小小倫」出世。
劍擊香港代表隊選手張小倫，2019年迎娶相戀7年的女友Natalie，結婚6年兩人終迎來愛情結晶品，40歲張小倫今日在社交網公開愛妻早前拍下的大肚寫真，並宣布已榮升人父，向大家介紹囝囝「小小倫」Miles。
張小倫在王嘉爾派對上搵八両金集郵。
望子勇敢面對世界
張小倫上載照片同時撰文分享喜悅心情，他寫：「轉眼間由隔住老婆個肚踢我，到真正感受到佢嘅活力，BB瞬間就已經出世來到我嘅懷抱。由於我個仔Miles太大隻嘅原因，醫生提前預產期一星期就要叫老婆入醫院催生，點知催咗三日佢都唔肯出嚟，最後醫生都係決定開刀將佢掹出嚟；體重去到差唔多九磅，同我一樣手長腳長！生BB真係好似打一場激烈比賽，過程充滿着變數，喺產房聽到BB喊聲嗰刻，真係忍唔住喊咗出嚟。所以，生小孩不是單純的疼痛，而是一場需要勇氣、耐力和智慧的比賽。每一位媽媽都是真正的冠軍。」張小倫亦向太太公開愛的宣言「辛苦晒老婆Love you」，他又表示希望BB健康快樂成長，跟囝囝英文名意思一樣，可以勇敢面對這個世界。
派對遇八両金哥哥
張小倫在IG宣布做老竇前，前晚亦跟一眾圈中人出席王嘉爾（Jackson Wang）在中環舉行的個人品牌派對，連八両金也有份獲邀參與盛會，張小倫更在story貼出合照，表示「八両金哥哥」是他的兒時回憶。
ADVERTISEMENT
請你睇尋秦記👇原班人馬重現大銀幕🤩
