張敬軒宣布聖誕節開演唱會 相隔3年再搞簽唱會迫爆商場

張敬軒今日到旺角出席《THE BRIGHTEST DARKNESS (SACD)》簽唱會，這亦是軒仔相隔3年後再搞簽唱會，商場四個樓層都迫滿了人，場面虛冚。他在活動上除了為500名粉絲簽名外，亦獻唱了《一個人的地球》、《俏郎君》、《懷舊情人》及《重頭開始》。同時，他又預告自己將會參演一套動作喜劇，並宣布聖誕節會舉行Sidetrack演唱會。

期待陳奕迅開騷

軒仔受訪時表示，年底的演唱會將於會展舉行，但由於時間撞了新城頒獎禮，因此仍有很多細節需要再商討。他坦言未試過一年搞兩次騷，因為在聖誕舉行，所以應該會是誇年。他又表示，很期待陳奕迅年底的個唱，「大家工作咁辛苦，又或者因為疫情壓力咁大，適當嘅娛樂都好緊要，只要喺防疫安全嘅情況下，有演唱會係好，我都好期待Eason嘅演唱會。」