張敬軒(軒公)與林家謙(家謙)合作的《The Perfect Match》拉闊音樂會,雖因軒公患重感冒而延期至本周六(18日),晚上7時於亞洲國際博覽館AsiaWorld Arena舉行,兩人在開騷前真情剖白心底話。軒公自言,最期待的拉闊畫面就是與家謙對唱,因為不少人都說兩人「撞樣」,所以會想像成兩個自己在台上對唱:「我覺得幾正,好似同一個平行時空嘅自己唱歌咁!」
林家謙多謝軒公容許任性改編
家謙則公開向軒公表達謝意,「衷心多謝張生,喺音樂上俾我哋任性多少少。」讓他和團隊能在音樂上有更大的創作空間,家謙預告將會為樂迷帶來不少改編作品:「唔同嘅改編係幾花時間同精力!同埋band、每一位musician都用多咗好多時間,呢個並唔係理所當然,所以好多謝佢哋同我哋一齊癲!」
而軒公亦有心底話要向家謙說:「希望我哋會得到一啲好嘅能量去迎接我哋今次、亦都係第一次嘅拉闊The Perfect Match!」