2025-08-08 19:30:08

張敬軒社交平台徹夜駁火粉絲用其icon造口孽大嘆：計晒去我度好唔抵

張敬軒今日出席ISSEY MIYAKE旗下男裝品牌HOMME PLISSÉ ISSEY MIYAKE在尖沙咀舉行的公開活動，同場還有MIRROR成員陳卓賢（Ian）、邱士縉（Stanley），當Ian與Stanley離場後，軒仔相隔數分鐘前後腳現身。

張敬軒昨晚只睡了一個多小時，表示從意大利返港後幾乎都是朝早6、7點才瞓覺，談到他在社交網分享近期最愛吃的芝士菠蘿包，結果引起粉絲罵戰，昨晚徹夜在Threads與粉絲駁火，張敬軒今日在活動上稱：「我其實耐唔耐都會咁樣鬧佢哋，閂埋門教仔教女咁囉。」軒仔不吐不快，指有時fans用他的頭像icon，但卻在不同平台亂講嘢，並說：「喺能量學嚟講，我冇種口孽，但計晒去我度，我就覺得唔抵嘛！」他認為自己的粉絲層面來自不同地區及文化背景，近期是多了內地粉絲來港支持，中間難免有些文化地域差異，認為最緊要萬事以和為貴，市道已經不景氣，做人又辛苦，大家出來開心最緊要，續說：「所以我唔想佢哋咁認真，有時佢哋認真到我轉個髮型又唔開心，我同邊個artist食餐飯又唔開心，或者我做個訪問講其他artist又唔開心…唉！我話晒都係佢哋長輩，邊有後輩管老人家。」軒仔亦稱自己比較傳統，不喜歡女仔講粗口，今日主要撻著他是因為有幾個女仔講粗口，他強調並非歧視，覺得女仔應該溫柔會比較可愛。軒仔笑言被Tyson Yoshi傳染，令他變得火爆又唔鍾意着衫。

目標要12月收爐

張敬軒正在籌備開學校教唱歌，他稱學校落成後，一定會注重品德方面，由「樂壇社工」榮升「校長」，他接下來會先開唱歌班、舞台表演以及創作課程，當中不乏有藝人報班。提到關智斌將在啟德開騷，被問到今年會否入紙開騷，軒仔表示今年目標要12月收爐，加上打算放聖誕假，暫時未有在港開騷計劃。至於柯煒林（Will）公布肺腺癌第四期，軒仔坦言彼此是好朋友，但卻不願多談。