張繼聰愛犬為保護家傭被咬數個血洞，雖感心痛但不打算追究。
張繼聰一家向來都是愛犬之人，今年4月領養了3個月大Sparky回家，不過，日前工人姐姐帶Sparky外出散步時，卻發生意外，突有惡犬衝出來襲擊姐姐，Sparky為保護姐姐終被咬到身上出現數個血洞，張繼聰心痛表示：「事後先知道，原來有人冇鎖好屋企嘅門，俾狗狗走咗出嚟，為咗保護姐姐，Spaky 最後被咬到有幾個血洞我哋即刻帶佢去醫院…. 肉赤。唉 ！主人嘅責任就係好好喺公眾地方睇住自己嘅狗仔，希望呢啲事永遠都唔好再發生 。」
愛犬身心受影響
昨日，張繼聰交代Sparky的傷勢，他寫道：「多謝大家關心，Sparky仔要食藥，每日好好觀察傷口，因為其中一個傷口喺鼻，剃晒啲毛，個樣好可憐。」他續指除了要照顧Sparky的傷口外，還要處理其心理影響，協助牠日後重新跟其他狗仔相處。
不打算追究
張繼聰表示不打算追究：「狗主亦都覺得好抱歉 ，雖然好痛心，對方嘅工人都係無心之失，最緊要唔好有下一次。我哋都唔打算追究。」他指分享這件事是希望大家引以為鑑，好好睇住自己的狗仔 ，「除非有牌，公衆地方，一定要戴好狗繩，希望所有狗狗同人，可以和平快樂相處。」
ADVERTISEMENT
