林峯、鄧麗欣和張繼聰首度攜手舉行拉闊音樂會。(吳康琦攝)
張繼聰今日(30日)與鄧麗欣和林峯出席拉闊音樂會的記者會，被問到早前姜濤發生墮海意外，阿聰作為前輩和波友，直言有短訊問候：「佢有覆我嘅，我話anytime想搵人傾偈就搵我啦，佢話冇事同多謝關心。」他又表示已相約姜濤返港後打波：「我哋好competitive，1on1好認真，我儲落好多自己贏嘅片，激發佢就有拼勁，等佢返嚟再俾機會佢拍吓啲贏我嘅片啦。」
早前有網民在Threads將歌手分為七線，惹起熱論，張繼聰亦有撰長文談「幾線論」，他認為普羅大眾有自由表達意見，他撰文希望鼓勵年輕藝人，「我哋都係不斷咁受比較，點樣喺比較裡搵到健康心態係最重要。做呢行幾成功都好，如果心情好大壓力，瞓唔到覺又唔開心，咁係無意義。」無論觀眾如何評論，最重要靠自己努力，「我哋3個都受過追捧同踩，我覺得Keep 住做好自己，保持健康心態，我哋都經歷過好多，仲可以一齊開show，開心笑吓做到旅行。」