Ad Block Ad Block
娛樂
2023-04-09 19:00:58

張繼聰貼17歲舊照 抒發入圍金像獎心情:真係好難平常心

分享:
張繼聰貼17歲舊照 抒發入圍金像獎心情:真係好難平常心

張繼聰坦言對於下星期的金像獎,好難平常心。

張繼聰憑電影《窄路微塵》及《飯戲攻心》分別入圍今年「第41屆香港電影金像獎」的最佳男主角及男配角,頒獎禮將於416日晚上在香港文化中心大劇院舉行。昨日張繼聰貼出一張1997年,17歲時入演藝學院的照片,除透露當年立志要做個出色的表演者,對下星期舉行的金像獎頒獎禮亦寫下感受。

張繼聰憶述當年第一次參加學校的舞台劇製作,不是做演員,而是做舞台助理,坦言非常辛苦到飛起,所以到今日,他都對身邊嘅每一位工作人員,都抱住超級感恩的心。他又讚嘆表演者的偉大:「由果時開始,我就同自己講『幾艱難都好,我一定要做個出色嘅表演者』,眨吓眼,就過咗26….唔肯定我做唔做到一個出色嘅表現者,不過肯定嘅係,原來真係好艱難,瞇埋眼,諗起依26年,為咗成為一個表演者,行過嘅每一步,捱過嘅每一刻,仲有,無數咁多次同自己講『聰,你得㗎,你仲有半滴㗎,頂埋佢』,諗番起一路以嚟嘅所有原來真係會控制唔到條淚腺。」他更非常感恩到咗43歲的今日,仍然是一個表演者,真係越嚟越覺得好彩 ,所以唯有更加努力。

對於首度入圍「金像獎」男主角,張繼聰坦言心情緊張:「原來下個禮拜金像獎,真係好難平常心,我份人都算好chill,都真係有少少緊張,赢輸,真係唔係重點,重點係佢硬係未到,梗係唔知點咁,不過咁,可以去到呢一步,都算係咁啦的。一於嘆盡佢!唔係咩吖?」最後,他對當年17歲的自己說:「我冇辜負你嘅演員夢,會繼續劈落去。」

 

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受